7888656517 dheetamu@gmail.com
T
 एनआरएनए आईसीसीको अध्यक्ष भएपछि पहिलोपटक बेलायत आएका भवन भट्टलाई एक कार्यक्रमबीच स्वागत तथा सम्मान गरेको छ । 
तमुधिं युके र गोर्खाली समाज युकेले संयुक्त रुपमा गत मंगलबार बेलुकी अल्डरसटस्थित भेटघाट रेस्टुरेन्टमा उनीलगायत आईसीसी उपाध्यक्ष कुमार पन्त, कुल आचार्य, सहकोषाध्यक्ष सोम सापकोटा र युरोप महिला सहसंयोजक संगीता मरहट्टालाई स्वागत गरेका थिए । 
एनआरएनए आईसीसी सदस्य समेत रहेका गोर्खाली समाज युकेका अध्यक्ष जयप्रकाश गुरुङ र तमुधिं युकेका अध्यक्ष ज्ञाम गुरुङले अध्यक्ष भट्टलगायतलाई खादा र फेटा लगाई स्वागत तथा सम्मान गरेका थिए । गोर्खाली र तमुधिं युकेका पदाधिकारीहरुको बाक्लो उपस्थिति रहेको सो कार्यक्रममा अध्यक्ष भट्टले दुवै संस्थाले गरेको सम्मानप्रति धन्यवाद व्यक्त गर्दै एनआरएनएले गर्न लागेको विभिन्न कार्यहरुको बारेमा जानकारी दिए । सो अवसरमा कुमार पन्त, कुल आचार्य, सोम सापकोटा र संगीता मरहट्टाले समेत बोलेका थिए । 
गोर्खाली समाज युके र तमुधिं युकेद्वारा आयोजित कार्यक्रममा गोर्खाली समाज युकेकी उपाध्यक्ष तिलकुमारी गुरुङले स्वागत मन्तब्य दिएका थिए भने एनआरएनए युकेका उपमहासचिव विनय अधिकारीले कार्यक्रम सञ्चालन गरेका थिए ।
error: Content is protected !!