7888656517 dheetamu@gmail.com
12

बुद्धिष्ट कम्युनिटी सेन्टर (बीसीसी) युकेले गुरुङहरुको उद्गम थलो क्होलासोंथार अध्ययन भ्रमणबाट फर्केको तमुधिं युकेका भ्रमण टोलीलाई स्वागत तथा सम्मान गरेको छ । उनीहरुलाई गत आइतबार ६ मे का दिन अल्डरसटस्थित बीसीसी गुम्बामा आयोजित विशेष धार्मिक प्रवचन कार्यक्रममा धर्मगुरु धुपसेङ्ग रिम्पोछे र बीसीसी युकेका अध्यक्ष ले.रि. नारायणप्रसाद गुरुङले धेरै राम्रो कार्य गरेकोमा प्रशंसा गर्दै खादा लगाई स्वागत तथा सम्मान गरेका हुन् । सो अवसरमा तमुधिं युकेका अध्यक्ष ज्ञाम गुरुङले क्होलासोंथर भ्रमणको बारेमा आफ्नो अनुभव सुनाएका थिए ।

कार्यक्रममा बीसीसी युकेका संस्थापक अध्यक्ष काजी शेर्पाले बुद्ध धर्मप्र्रतिको आस्था र विश्वासको बारेमा बोलेका थिए भने उपाध्यक्ष हर्क गुरुङले बीसीसी भवनको तला थप र बौद्ध धर्मग्रन्थ युमपतीको अनुवादका बारेमा बोल्दै आर्थिक सहयोगबारे अपील गरे ।

भक्तजनहरुको बाक्लो उपस्थिति रहेको कार्यक्रममा धर्मगुरु धुपसेङ्ग रिम्पोछेद्वारा लामो आयुको अभिषेक प्रदान गरिएको थियो । साथै, उनले नेपाली र अंग्रेजीमा धार्मिक प्रवचन दिएका थिए ।
बीसीसी युकेका अध्यक्ष ले.रि. गुरुङको अध्यक्षतामा सम्पन्न कार्यक्रमलाई महासचिव गोविन्द गुरुङले औपचारिक रुपमा सञ्चालन गरेका थिए भने लामा गुरुङले धार्मिक पाठ गरेका थिए ।