+447411576298 dheetamu@gmail.com
Viber Image 2021 04 10 12 44 57

 लन्डन  ।

 तमुधिं यूकेको आयोजना हुने लोकप्रिय गोर्खा कपबारे बृहत् छलफल भएको छ । आगामी २४ जुलाईमा हुने १९ औं संस्करणको गोर्खा कपबारे शनिबार भर्चुअल माध्यमबाट छलफल भएको हो । 

स्पोर्टस सेक्रेटरी क्या. देबबहादुर घलेले गोर्खा कपको सम्पूर्ण तायरी तर्जुमा भइसकेको प्रस्तुतिकरण राखेका थिए । त्यस्तै उनले अबको गोर्खा कपमा हुनसक्ने सम्पूर्ण आय-व्यय र कार्यक्रमको कार्यतालिकाबारे जानकारी गराए । अबको गोर्खा कपमा पनि गत वर्षझैं ३२ टिम र ८ टिम veteran गरी ४० टिमको सहभागी हुनेछ । साथमा Parachute jump सांस्कृतिक कार्यक्रम र विभिन्न स्टल र १० वटा restaurant हुनेछ । सम्पूर्ण उपस्थित सल्हाहकार तथा सदस्यहरुबाट एकदमै  महत्वपूर्ण सल्लाह, सुझाव दिएका साथै सम्पूर्णबाट सकारात्मक सुझाव दिएको मिडिया सेक्रेटरी एसके गुरुङले जानकारी दिए ।

उनका अनुसार बैठकमा यो वर्षको गोर्खा कप पहिलाभन्दा अझै उत्साहित हुने आशा व्यक्त गरिएको छ । अध्यक्ष हित काजी गुरुङले शुक्रबार निधन भएका बेलायतका राजकुमार फिलिप र तमुधिंका दिवंगत सदस्य तथा आजीवन सदस्यप्रति हार्दिक श्रद्धाञ्जली व्यक्त गरेका थिए । अध्यक्ष गुरुङले सम्पूर्ण सल्लाहकारहरु तथा सस्दस्यहरुको सल्लाहलाई मनन गर्दै आगामी हुने गोर्खा कपमा धेरैभन्दा धेरै सहयोगको अपेक्षा गरेका छन् ।

यस वर्षको गोर्खा कपमा कोरोनाको कारणले बेलायत सरकारको नियमलाई ध्यानमा राख्दै मूलगेटमै र ठाउँ ठाउँमै स्यानिटाइजरको व्यवस्था गरिने छ । बिहान  ११:४५ बाट शुरु  गरिएको  बैठक सांझ ६ बजे सम्म सुचारु थियो  । बैठकमा  उपाध्यक्ष हरि गुरुङ ले स्वागत मन्तब्य  राखेका थिए । अध्यक्ष्य  हित काजि गुरुङ को अध्यक्ष्यतामा   महासचिब  परशु  गुरुङ ले संचालन गरेका  थिए  ।

 

error: Content is protected !!