+447411576298 dheetamu@gmail.com
Capture 20210307 164942

तमूधीं यूकेले हामी बेलायतबासी नेपालीहरुको अधिकार र पहिचानको लागि यहिं आउॅंदो २१ मार्च २०२१ मा हुन गईरहेको “बेलायतको जनगणना” सचेतनाबारे आइतबार २८ फेब्रुवरी २०२१ को अपरान्ह Virtual Zoom मार्फत जानकारी सभाको आयोजना गरिएको थियो । यस जानकारी कार्यक्रममा अतिथि बक्तहरु समिर गुरुँग, मैया डंगोल केसी र डा. कृष्ण अधिकारीको उपस्थिति रहेको थियो । बिभिन्न संघ संस्थाहरुमा आबद्ध रहनुभएका साथै तमूधीं यूकेका पूर्बाध्यक्षज्युहरु र सल्लाहकारज्युहरु कार्यसमितिका पदाधिकारीज्युहरु गरी ८७ जना महानुभावहरुको उपस्थिति रहेको कार्यक्रमको सभापतित्व तमूधीं यूकेका अध्यक्ष हित काजी गुरुँगले गर्नु भएको थियो भने कार्यक्रमको संचालन महासचिव परशु गुरुँगले गरेका थिए ।
समग्रहमा कार्यक्रम सौहार्दपूर्ण सफल भएको हामीलाई महसुस भएको छ । यस कार्यक्रमको आयोजनाबाट अवश्य पनि आम जनसमुहलाई लाभान्वित भएको छ होला भन्ने आशा गरेका छौं ।
कार्यक्रमको पहिलो चरणमा अतिथि बक्तहरुबाट जनगणनाको बारेमा विस्तृत जानकारी दिएका थिए भने दोश्रो चरणमा प्रश्नोत्तर कार्यक्रम रहेको थियो ।
कार्यक्रमको अन्तमा अध्यक्ष श्री हित काजी गुरुँगले सम्पूर्ण सहभागीहरु तथा अतिथि बक्तहरुलाई धन्यवाद दिनुहुंदै करिब १८:१५ बजे कार्यक्रमलाई समापन गर्नुभयो ।

error: Content is protected !!