मिचेट । तमुधिं युकेले नेपालबाट आएका कलाकारहरुको स्वागत तथा सम्मान गरेको छ । तमु प्ये ल्हु संघ युकेको निमन्त्रणमा बेलायतमा आएका गायक रामकुमार (आरके) गुरुङ, गायिका भिमु गुरुङ, गायक धन गुरुङ, कलाकार पूर्णकुमारी (रुपा) गुरुङ र संगीतविद् झुमा लिम्बूलाई गत आइतबार बुलेकी मिचेटस्थित तमुधिं भवनमा स्वागत तथा सम्मान गरिएको हो ।
तमुधिं युकेका अध्यक्ष ज्ञाम गुरुङलगायतले उनीहरुलाई खादा, मायाको चिनो र प्रशंसा पत्र दिएका थिए । त्यस्तै गायक आरके गुरुङले तमुधिंलाई मायाको चिनो प्रदान गरे । उनीहरुले विभिन्न गीत तथा नृत्य प्रस्तुत् गरेर मनोरञ्जन समेत गराएका थिए । सो अवसरमा तमुधिं युकेका अध्यक्ष गुरुङले तमुधिं युकेको बारेमा बोलेका थिए भने कलाकारहरुले पनि आ–आप्mना भनाइ राख्दै स्वागत तथा सम्मानका लागि धन्यवाद दिए ।
तमुधिं युकेका आजीवन सदस्य, सल्लाहकार र कार्यसमितिको बाक्लो उपस्थिति रहेको कार्यक्रमलाई महासचिव कृष्ण गुरुङले सञ्चालन गरेका थिए ।
