काठमाडौं । चर्चित नेपाली कलाकारद्वय मेलिना राई र नरजंग गुरूङ बुधबार बिहान बेलायततिर लागेका छन् ।
तमुधिं युकेको निम्तोमा नेपाली पप तथा आधुनिक गायिका राई र गायक नरजंग गुरुङ त्रिभुवन अन्तर्राष्ट्रिय विमानस्थलबाट बेलायतका लागि प्रस्थान गरेका हुन् । कलाकारलाई विमानस्थलमा बिदाई गर्ने क्रममा नेपाल आदिवासी जनजाति पत्रकार महासंघका अध्यक्ष एवं एभरेष्ट टाइम्सको नेपाल समूहका संयोजक डण्ड गुरुङ पनि सहभागी थिए ।
गायक गुरुङ र गायिका राईको टोलीमा धार्मिक प्रवचनका लागि गुप्ता लामा गुरु पनि युके प्रस्थान गरेका छन् ।
गायियका राईले स्वर दिएको शिरैमा शिरबन्दी, कम्मर माथि पटुकीलगायत लोकप्रिय गीतहरु छन् ।
उनीहरुले युकेमा आयोजना हुने तमु ल्होछार संगीतमय बनाउने छन् । नेपाल लगायत विश्वका विभिन्न देशमा रहेका गुरुङ समुदायले हरेक वर्ष पुस १५ गतेका दिन तमु ल्होछार मनाउने गर्दछन् । १५ गते ल्होछार मुख्य दिन भए पनि प्रवासमा रहेका केही गुरुङहरुले भने आफ्नो अनुकूलतामा कार्यक्रम आयोजना गर्ने गरेका छन् ।
