नेपाली समुदाय बेलायतमा अत्यन्त लोकप्रिय गोर्खा कप फुटबल प्रतियोगिताको तयारी पूरा भएको छ ।
उक्त कुरा आयोजक तमुधिं यूकेले गत आइतबार १९ मे का दिन मिचेटस्थित तमु धिं भवनमा आयोजित पत्रकार सम्मेलनमा जानकारी दिइएको हो । आउँदो आइतबार २६ मे का दिन अल्डरसटस्थित क्वीन्स एभिन्यू खेल मैदानमा हुने १७ औं प्रतियोगितामा ३२ मुख्य र १० भेट्रान टिमबीच प्रतिष्पर्धा हुने भएको छ ।
सन् २००३ साल देखि प्रत्येक बर्ष संचालन गर्दै आएको गोर्खा कपको निकै लोकप्रियता बढ्दै आएको छ । उक्त प्रतियोगितामा भाग लिनका लागि यसपटक हल्याण्ड, आइसल्याण्ड, बेल्जियम, आयरल्याण्ड र हङकङबाट समेत नेपाल फुटबल टिम आउने भएको छ ।
करिब ४५ हजार पाउण्ड खर्च हुने अनुमान गरिएको प्रतियोगिताको मुख्य खेलतर्फ प्रथम हुने टिमले २५ सय पाउण्ड नगद, दोस्रोले १५ सय पाउण्ड ट्रफी र प्रमाणपत्र पाउनेछन् । त्यस्तै, भेटे«नतर्फ प्रथम हुनेलाई १२ सय पाउण्ड र दोस्रो हुनेलाई ८०० पाउण्ड, ट्रफी र प्रमाणपत्रको व्यवस्था गरिएको छ । साथै, टप स्कोरर र वेष्ट प्लेयरका लागि पनि पुरस्कारको विशेष व्यवस्था गरिएको आयोजक तमुधिं युकेका खेलकुद सचिव एवं प्रतियोगिता संयोजक क्याप्टेन पिताम्बर गुरुङले जानकारी गराए ।
उनले इभेन्टमा स्वास्थ्य तथा सुरक्षालाई विशेष प्राथमिकता दिइएको जानकारी गराउदै ५० वटा सेक्युरिटटी अफिसर, ३० जना ट्राफिक मार्शल र २० जना स्वयंसेवक गरी करिब १०० जना सुरक्षाका लागि आन्तरिक व्यवस्था गरिएको छ भने स्थानीय प्रहरीले समेत बिशेष निगरानी राख्ने जानकारी दिए । त्यस्तै, आपतकालिन अवस्थाका लागि हेलिप्याड, मेडिकल समूह, फायर सेप्mटी ग्रुप र इमेरजेन्सी द्वारको समेत व्यवस्था मिलाईएको जनाए ।
करिब ७ हजार देखि १० हजार दर्शकहरुको उपस्थिति हुने अपेक्षा गरिएको सो प्रतियोगितामा करीब २००० कार आउन सक्ने र ती कारको पार्किङ्गको व्यवस्था मिलाइएको जनाए । साथै, मौसम खराब भएको अवस्थामा वैकल्पिक कार पार्कको समेत व्यवस्था मिलाइएको बताए । त्यस्तै, १० वटा रेष्टुरेण्ट, ४० वटा हस्तकला तथा व्यापारीक स्टल र केही स्वयंसेवक स्टलहरु रहने छन् ।
रस्मोर बरो काउन्सिल सबैभन्दा बढी नेपाली बसोबास रहेको मानिएको काउन्सिल हो । सो काउन्सिलकी नवनियुक्त मेयर सु कार्टरको प्रमुख आतिथ्यमा सम्पन्न हुन लागेको कार्यक्रममा नेपाली राजदूतावास लण्डनका उपनियोग प्रमुख शरदराज आरन, स्थानीय अधिकारी, प्रहरी, ब्रिडेग अफ गोर्खाजका अधिकारीहरुको बिशेष उपस्थिति रहने छ । करीब २२० जना आगन्तुकहरुलाई आमान्त्रण गरिएको सो कार्यक्रममा ‘एफ ए’ लिगका अधिकारीको समेत बिशेष उपस्थिति हुनेछ भने गतबर्ष झै यसबर्ष पनि ‘एफ ए’ कपको बिशेष प्रर्दशन गरिने छ ।
तमुधिं यूकेका अध्यक्ष नन्दजङ्ग गुरुङले गोर्खा दशौं कार्यसमितिको पहिलो कार्यक्रम रहेको जानकारी गराउदै सबैको साथ र सहयोगको अपेक्षा राखे । उनले गोर्खा कपकै कारण नेपाली युवाहरुको खेलप्रति आर्कषण बढ्दै आएको र कतिपय खेलाडिहरुले अवसर समेत पाएको बताउँदै सो प्रतियोगिताबाट नेपाली कला र संस्कृतिको समेत प्रवद्र्धन भएको विश्वास व्यक्त गरे ।
गोर्खा कप, फुटबल प्रतियोगिता संगसैगै नेपालीहरुको भेटघाट र व्यापार प्रवद्र्धनको थलो बन्दै आएको छ ।
सो प्रतियोगिताबाट वचत रकम भएको परोपकारी क्षेत्रमा सहयोग गर्दै आएको छ र यसपटक गोर्खा वेलफेयर ट्रष्ट र रस्मोर बरो काउन्सिललाई सहयोग गरिने आयोजक संस्था तमुधिं यूकेले जनाएको छ ।
साधारणतर्फ २ पाउण्ड प्रवेश शुल्क तोकिएको सो प्रतियोगितामा प्यारा डिस्प्ले, राफल ड्र, खुकुरी डान्स, कल्चरल डान्स, मेलिटरी डिस्प्ले र एनआरएनए युकेले निःशुल्क स्वास्थ्य शिविर समेत राखिने भएको छ ।
तमुधिं युकेका संस्थापक अध्यक्ष मिनप्रसाद गुरुङ, पूर्वअध्यक्ष कमल गुरुङ, पूर्वअध्यक्ष सुर्जे (रामचन्द्र) गुरुङ, निवर्तमान अध्यक्ष ज्ञाम गुरुङ, तमुधिं आमा समूह लगायत सल्लाहकार, शुभचिन्तक र कार्यसमितिका पदाधिकारी एवं सदस्यहरुको उपस्थिति रहेको थियो ।
तमुधिं युकेका अध्यक्ष नन्दजङ्ग गुरुङको अध्यक्षतामा सम्पन्न कार्यक्रममा वरिष्ठ उपाध्यक्ष हित काजी गुरुङले स्वागत मन्तब्य दिएका थिए भने महासचिव तुलाराम गुरुङले कार्यक्रम संचालन गरेका थिए ।
