लन्डन । तमुधिं यूके आमा समूहले यस वर्ष पनि जुलाई १९ मा ‘रेस फर लाइफ’ कार्यक्रममा भाग लिने भएको छ ।
क्यान्सर रिसर्च सेन्टर यूकेको आयोजनामा जुलाई १९ मा गिल्डफोर्ड स्टोक पार्क हुने ५ किमि दौडमा सहभागी हुने तमुधीं यूके आमा समूह अध्यक्ष कमलादेवी गुरुङले जानकारी दिइन् । अध्यक्ष गुरुङले दौडमा साथ दिन बेलायतवासीमा अनुरोध अनुरोधसमेत गरेकी छन् । 
सन् १९९४ मा लन्डनबाट सुरु भएको रेस फर लाइफमा केवल ७५० महिला सहभागी भएका थिए भने हरेक सालमा यो संख्या बढ्दै हाल बेलायतका विभिन्न सहरहरुमा विभिन्न समयमा सम्पन्न हुने गर्दछ । केवल महिलाहरुमात्रै सहभागी हुन पाउने कार्यक्रमले बर्सेनि मिलिएन पाउन्ड संकलन गरी संसारमा व्याप्त २ सय थरीका क्यान्सरबाट पीडित महिला, पुरुष र बाल बालिकाको उपचार र उन्मूलनमा खर्च गर्ने गरिएको अध्यक्ष गुरुङले बताइन् ।
यो प्रेरणादायी र सशक्त कार्यक्रममा तमुधीं यूके आमा समूह हरेक हरेक वर्ष सहभागी हुँदै आएको छ । रेस फर लाइफ कार्यक्रमको उद्देश्य क्यान्सरविरुद्धको लडाइँमा आवश्यक रकम संकलन गर्नु र जनचेतना फैलाउनु रहेको छ ।
