लन्डन । तमुधीं यूकेका अध्यक्ष जुमकाजी गुरुङ बुद्धिस्ट गुम्बा रेडिङको आयोजनामा भइरहेको प्रज्ञापारमिता पाठ वाचन पूजामा सहभागी भएका छन् । 
हप्ता दिनसम्म चल्ने अनुष्ठानको दोस्रो दिन २९ जुलाईमा अध्यक्ष गुरुङ तथा आमा समूह अध्यक्ष कमलादेवी गुरुङको प्रमुख आतिथ्यमा पूजा भएको हो । गुम्बाका खेन्पो मूल लामा गुरु शिर लामा गुरुङले उनीहरूलाई स्वागत गरेका थिए । त्यसपछि पानसमा बत्ती बालेर उद्घाटन गरेका थिए । 
उपाध्यक्ष नरबहादुर गुरुङले स्वागत मन्तव्य दिँदै पूजाका बारेमा जानकारी गराएका थिए । पुन्यकामका लागि अतिथि बनाएकोमा अध्यक्ष गुरुङले गुम्बा परिवारलाई धन्यवाद दिए । त्यसपछि उनले पाठ ग्रहण गरेका थिए । 
सो अवसरमा उनीहरूलाई खादा लगाएर सम्मान गरिएको थियो । कार्यक्रममा गोर्खा मिडियाका प्रबन्ध निर्देशक मिलन तमु पनि सहभागी थिए ।
