डा. हर्क डा. चन्द्र दशौँ पूण्य स्मृती दिवस

तमुधीं यू के ले गत आइतवार २५ तारिखमा तमुहरुका मात्र नभएर सम्पूर्ण नेपालका सपूत द्वय स्वर्गीय डा. हर्क गुरुङ र डा. चन्द्र गुरुङलाइ वहाँहरुले इहलिला समाप्त गर्नु भएको दशौँ वर्षगांठको अवशरमा भावपूर्ण श्रद्दान्जली दिंदै सम्झना गरयो l तमु नेपलिज कम्युनिटी सेन्टरमा सम्पन्न भएको उक्त स्मृती शभालाई तमुधीं यू के का अध्यक्ष सुर्जे (रामचन्द्र) गुरुङ्गले अध्यक्षता गर्नु भएको थियो l नेपाली मानस पटलबाट कहिल्यै मेटिएर जान नहुने दुइ व्यक्तित्वहरुक…ो स्मृती सभामा पाल्नुहुने सबैलाई यो पंक्तिकारले धन्यवाद र स्वागत गरेको थियो l
उक्त अवसरमा डा. हर्क गुरुंगका नजिकका नातेदार, तमुधीं यू के का सल्लाहाकार लोक गुरुङ्गले उहाँको जीवनी र उहाँले गर्नु भएको सत्कर्मको वारेमा बोल्नु भएको थियो l उहाँले आफ्नो भनाइमा आफ्नो मामाघर तरांचे,लम्जुङ्गमा ५ फेब्रुअरी १९३९ मा जन्मनु भएका हर्क गुरुङ ( ठुला कान्छा)आफ्ना पिता सुबेदार परसु गुरुंगका साथ् देहरादून गइ आफ्नो विद्धार्जन शुरु गर्नु भयो l र पटना विश्व विद्धालयबाट प्रथम श्रेणीमा प्रथम हुँदै स्नातकोत्तर गरी एडिनबरा विश्वविद्धालय बाट भूगर्भ शास्त्रामा विद्धावारिधी गर्नु भयो l विद्धा आर्जनका साथ साथै उहाँले उच्च स्तरमा फूटबल खेल्न र चित्रकारिता गर्न पनि भ्याउनु भयो l –
नेपाललाई द्रुततर विकासमा कुदाउन १४अञ्चल र ७५ जिल्लाको अवधारणा ल्याउने भुगर्वविद डा. हर्क गुरुङ नेपालको शिक्षा , उद्धोग तथा बाणिज्य राज्य मन्त्रि र पछि पर्यटन मंत्री रही सक्नु भएको थियो l डा. हर्क गुरुङ उहाँको देहावशान हुँदा सम्म तमुधीं यू के को प्रथम संरक्षक रहनु भयो l
त्यसै गरी डा. चन्द्र प्रसाद गुरुङका नातेदार तथा गाउँले तमु धीं यू के का संस्थापक अध्यक्ष मिन प्रसाद गुरुङ ले डा. चन्द्र गुरुङ्गका जीवन वृतान्त र केहि प्रेरक प्रसंगहरु जोड्नु भयो l रमणीय गुरुङ गाउँ सिक्लेसमा सन् १९५० मा जन्मनु भएको डा. चन्द्र गुरुङ बाल्यकाल देखिनै प्रकृतीसंग रमाउने ब्यक्ती हुनुहुन्थ्यो l २३ सेप्टेम्बर सन् २००६ को दिन डा. हर्क लगायत अन्य विज्ञ र बिशिष्ठ व्यक्तिहरु संगै धुन्चेमा दुर्घटना ग्रस्त भएको हेलिकप्टरमा उहाँले पनि हामी बाट सदाका लागि बिदा लिनु भयो l
हवाई विश्व बिद्धालय बाट भूगोल शास्त्रमा विधावारिधी गर्नु भएको उहाँ प्रकृतीविद मात्र नभएर तमु संस्कृती, भाषा, धर्म, परम्परा र भेष् भूशालाई संरक्षण र सम्बर्दन गर्नु पर्ने कुरामा अत्यन्त सचेत हुनुहुन्थ्यो l अन्नपूर्ण संरक्षण क्षेत्र परियोजना प्रमुख रहेर उहाँले उक्त क्षेत्रलाई विश्वभर पहिचान दिनु भयो l
तमुधी यू के का अध्यक्ष तथा सभाध्यक्षले अन्तमा यसरी उदाहरनिय काम गरेर गएका दिग्गज ब्यक्तित्वहरुलाई हामीले वर्षेनी सम्झनु पर्ने र उहाँहरुको काम बाट प्रेरणा लिनु पर्ने बताउनु भयो र शभामा उपस्थित सबैलाई धन्यवाद दिनु भयो l यस पश्चात दिवंगत आत्माहरुको चीर शान्तीको लागी १ मिनेट मौन धारणा गरी फूल माला र खादा द्वारा श्रद्दान्जली अर्पण गरिएको थियो l