लण्डन
अल्डरसट । तमुधिं यूकेद्वारा नेपालका सांसद डा. गणेशमान गुरुङको स्वागत तथा सम्मान गरेको छ । उनलाई गत शनिबार अल्डरसटस्थित रोयल कोरिया रेष्टुरेण्टमा स्वागत तथा सम्मान गरेको हो । सो अवसरमा उनीस“गै रहेका उनको श्रीमति सरस्वत गुरुङलाई समेत खादा लगाई स्वागत गरिएको थियो । नेपालबाट हाल बेलायत भ्रमणमा रहेका रिवान निवासी क्याप्टेन डमर बहादुर गुरुङ र दुधपोखरी समाज पोखराका अध्यक्ष सुवेदार टोप बहादुर गुरुङलाई समेत खादा लगाई स्वागत गरियो ।
तमुधिं यूकेका सल्लाहकार, कार्यसमिति र शुभचिन्तकहरुको बाक्लो उपस्थिति रहेको सो स्वागत कार्यक्रममा डा. गुरुङ, क्या. गुरुङ र सुवेदार गुरुङले आ–आफ्नो भनाइ राखेका थिए । त्यस्तै सो अवसरमा बुद्धिष्ट कम्यूनिटी सेन्टर यूकेका अध्यक्ष ले.रि. नारायण प्रसाद गुरुङ लगायत विभिन्न उपस्थित तमुहरुले अतिथिहरुलाई खादा लगाई स्वागत गरेका थिए ।
तमुधिं यूकेका अध्यक्ष सुर्जे (रामचन्द्र) गुरुङको अध्यक्षतामा सम्पन्न भएको उक्त कार्यक्रममा उपाध्यक्ष ज्ञाम गुरुङले स्वागत मन्तब्य प्रकट गरेका थिए भने महासचिव हरि गुरुङले कार्यक्रम संचालन गरेका थिए ।
